IMOS DE VISITA AO COLE DE RAZO

A TARABELA ESTIVO NO CEIP DOS BLANCOS (OURENSE)

O venres pasamos unha tarde estupenda na compaña duns mestres fantásticos no CEIP dos Blancos. Xuntos estivemos aprendendo a contar contos, a cantar, a facer caroutas de vaca e a sacar do baúl dos recordos eses xogos antigos, como o de pegarlle o rabo ao burro, ainda que neste cas pegámosllo á Pastora :)
Aquí vos deixamos unhas fotos dos voluntariosos profes que se entregaron en corpo e alma a esta nobre tarefa de aprender contando e cantando :)

Gracias Edu, Javi e Pepe, foi un pracer compartir este obradoiro con todos vos :)

Imos contar un conto...

Os profes necesitan uniforme de traballo "vacuno"

A cantar e a mover os rabiños de vacas... TOLÓN, TOLÓN!

E agora facemos caroutas...

Poñámoslle o rabo a Pastora, que seica o perdeu...

Muuuuuuuuuuuuuu....

Esas vaquiñas 2014 dos Blancos!

OS PRIMEIROS EXEMPLARES SAEN DO PRELO

Xa están aquíiiiiiiiiiiiiiiiiiiiiiiiiiii :)

EU AMO A PASTORA

E quen non?

Nuns días cando teñades oportunidade de coñecela, vós tamén vades namorar...

A VACA RODANTE XA TEN PORTADA

E xa saimos na revista de novidades de Everest Galicia, así que aquí vos deixamos a portada xa lista para ver de A historia fascinante da vaca rodante ;)

UN MUNDO CON VISTAS

Xa temos lista a foto-ilustración da portada de A historia fascinante da vaca rodante (Everest, 2013). Aquí vola deixamos para que vos vaiades familiarizando con ela.
A finales do mes de febreiro terédelas en libraría ;)

Esta é a historia de Pastora...

A HISTORIA FASCINANTE DA VACA RODANTE

Pastora é rubia, rubia e galega. Ademáis é curiosa e nunca viu o mar, por iso cando se entera de que en A Fonsagrada, preto de onde ela vive pode estar o mar, non dubida en ir buscalo. O problema… que as presas e a curiosidade vana meter nunha pequena lea polo medio das montañas lucenses. Iso si, o final das súas aventuras, descubrirá ó pé dun camiño un espectáculo marabilloso que ninguén debería perder. Ti tampouco.

Foto: Miguel Noval Bouza

Ilustración: Aurora Cascudo Román